PROXECTO AVES EN 6º DE EDUCACIÓN INFANTIL

 

Xa sabemos o moito que, en xeral, gustan aos nenos e nenas os animais. Se falamos de educación infantil, podemos dicir que é adoración o que senten por eles. 

Nesta ocasión 6º de educación infantil concentra os seus esforzos nas aves e faino a través de realidade aumentada, tecnoloxía que combina o mundo real con elementos virtuais.

Como alucinaron cando viron ás súas aves saír do papel no que as debuxaron para converterse en figuras tridimensionais, medrar e incluso marchar de paseo.

Unha gran experiencia!

ATLETISMO EN 4º E 5º DE PRIMARIA

 

Nova xornada de deporte escolar!

Nesta ocasión foi o alumnado de 4º e 5º de primaria o que se achegou ao IFEVI de Vigo para practicar diferentes modalidades de atletismo: salto de lonxitude, lanzamento de peso e vortex, carreiras de diversas distancias individuais e por equipos...

Unha experiencia, como sempre, moi completa e divertida que tivemos a oportunidade de compartir con outros colexios do Condado e Paradanta. 

LUZ Y SOMBRA

"Luz y sombra"é o título do poema de Tere Acosta que recita para nós o alumnado de 4º de primaria.

E un texto moi fermoso que fala das dificultades para comunicarse e relacionarse que atopan, nos casos máis severos, algunhas persoas con autismo. Pero non só fala de dificultades; tamén fala de pontes, de tradutores, de mapas para entendernos... En fin, unha beleza de traballo!

Animámosvos a escoitalo.  

Biblioteca Creativa: Máquinas que garabatean

 As garabateadoras son artiluxios motorizados que se moven de xeito inusual e deixan un trazo no seu percorrido. En 5º e 6º de Primaria construímos unha garabateadora con materiais sinxelos, como rotuladores, vasos plásticos, pilas e cinta adhesiva. Puxémolos en movemento coa vibración dun motor cun contrapeso para que xiren, choquen e salten. Experimentamos diferentes montaxes e formas de desequilibrar o motor. Despois de facer probas e investigar cos cambios, compartimos a experiencia nun gran papel continuo, onde probaron as súas máquinas, creando un debuxo en conxunto.

Comprendendo o autismo

 Os nenos e nenas de 3º de primaria, fixeron un gran traballo sobre o autismo. É un traballo cargado de empatía , solidaridade e respecto

CLUB DE LECTURA, MANUALIDADES "PEROXO, UN RAPAZ DE ALDEA"

 O alumnado de 3º de Primaria, unha vez rematado o libro "Peroxo, un rapaz de aldea" escrito por Luís Chapela Bermúdez e comentado o estilo, a caracterización dos personaxes, a época histórica da obra, as súas expectativas... animáronse a facer unhas manualidades sobre o libro, creando unha gran maqueta en grupo con textos, debuxos, ilustracións e moitos materiais, todos construídos polo alumnado.

1...2...3...4... ECO PER CU SIÓN

 

Aínda nos bailan os pés coa actividade desta mañá: un divertidísimo obradoiro de percusión con instrumentos de reciclaxe.

Desde cuarto de infantil ata sexto de primaria deixáronse levar polos ritmos que Didier Díaz e a súa compañeira Diana ían marcando.

Canto arte pódese crear golpeando un cubo de pintura e pronunciando palabras tan sinxelas e doces como chocolate!

Por un día fomos percusionistas, sempre seremos artistas!

Grazas a Didier e a Diana por unha mañá vibrante e, por suposto, grazas á ANPA San Xulián por axudarnos a financiar a actividade. 

RECICLAXE NA ESCOLA

 

Terceira e última sesión de educación ambiental en 5º e 6º de Primaria.

Nesta ocasión, os contidos estiveron orientados á necesidade de reciclar e de aproveitar os recursos naturais.

O alumnado fixo un importante exercicio de análise na procura de solucións ás necesidades do centro: temos suficientes contedores de reciclaxe? Podemos reducir o consumo de auga no colexio?

Grazas ao Concello de Ponteareas por organizar estas estupendas sesións!

 DÍA INTERNACIONAL DA MULLER. (1º PRIMARIA)

    Con motivo da conmemoración do 8 de marzo, Día internacional da Muller, os alumnos e alumnas de primeiro curso, seguindo o programa da galega Esther Estévez - “Dígocho eu!”, convídanvos a cambiar algunhas expresións para mellorar a forma coa que nos diriximos ás mulleres.  

Prestade moita atención porque isto é moi importante, DÍGOCHO EU! 

BÁDMINTON NO PABILLÓN MUNICIPAL

 

Onte, no Pavillón Municipal Álvaro Pino, os nenos e nenas de 5º e 6º de primaria gozaron dunha nova xornada de deporte escolar: a primeira fase do Campionato Escolar de Bádminton de Pontevedra. 

Un día fantástico de aprendizaxe e práctica do deporte; pero tamén de convivencia. Co CEIP de Leirado, a competición sempre é deportiva e amable. Unha gran experiencia!

Queremos expresar, como sempre, o noso agradecemento ao Club de Bádminton Ponteareas por convidarnos unha vez máis. Especialmente a Víctor, polo seu impecable traballo e o seu indiscutible talento para dirixir a nenos e nenas.

Parabéns a todos os clasificados e clasificadas. Izan, Yoel, Breixo, Yaiza, Martina e Laura: Bo traballo!

Por último, dicir que, acompañando ás imaxes, os nenos e nenas de 5º de primaria explican por que as xornadas de deporte escolar son unha das nosas actividades favoritas. 

PROTECCIÓN DA NATUREZA

Temos claro que protexer a natureza e protexer ás persoas son dúas caras dunha mesma moeda. Un exemplo diso atopámolo nas distintas charlas que deu a Garda Civil en 5º e 6º de primaria.

No mes de febreiro, unha garda explicou aos nenos e nenas a enorme riqueza natural que temos no noso país e a imperiosa necesidade de protexela e recuperala naqueles lugares nos que se viu comprometida. 

Non é demasiado tarde! Aínda temos moito por facer!

8 de marzo, día da muller

 Na biblioteca de Leo León, preparamos unha extensa exposición de contos e libros dedicados ás mulleres.

Novidades de Marzo

 Este mes comeza cunha chea de contos novos na biblioteca de Leo León. 

Para os lectores e lectoras máis novos temos dúas coleccións pensadas para eles e elas. Son "Aprende a ler na escola de monstros"  e "Investigato". Dúas coleccións en letra maiúscula  e por último dous contos novos da colección de Mortiña.

Ademais e debido ás peticións de algúns alumnos de 3º de primaria, contamos con dous novos exemplares do Capitán calzoncillos e un novo libro de Tom Gates.

Para o terceiro ciclo contamos cunha nova colección titulada "Chica xenial" que seguro gustará moito entre a rapazada destas idades. 

Todas estas novidades e moitas máis podedes atopalas na biblioteca de Leo León!

EDUCACIÓN AMBIENTAL

 

Todo o alumnado do centro asistiu hoxe, en diferentes quendas, a unha impactante charla organizada polo Concello de Ponteareas. 

Puxéronlles diante, literalmente, moito do lixo que, sen que nos deamos conta, acaba nos nosos ríos e outros espazos naturais.

Impresionados e impresionadas quedáronse cos datos dos desastres que provoca o abuso das toalliñas húmidas!

Moitas grazas or vir ao centro para facernos máis conscientes do problema. Actuaremos en consecuencia!

23 de febreiro: Día de Rosalía de Castro

Hoxe conmemoramos o día de Rosalía de Castro, poetisa e novelista galega. Criouse nun ambiente rural onde aprendeu o idioma galega, os seus costumes e moito da cultura galega que máis tarde recollería nas súas obras. Ela devolveu a dignidade ao pobo galego, que xa nunca máis esqueceu os seus costumes e tradicións.

Os nenos e nenas de 3º de primera fixeron unha pequena homenaxe a Rosalía a través dun videopotcast